1. Véni, Creátor Spíritus, / Méntes tuórum vísita:
Imple supérna grátia / Quae tu creásti péctora.

2. Qui díceris Paráclitus, / Altíssimi dónum Déi,
Fons vívus, ígnis, cáritas, / Et spiritális únctio.

3. Tu septifórmis múnere, / Dígitus patérnae déxterae,
Tu rite promíssum Pátris. / Sermóne dítans gúttura.

4. Accénde Iúmen sénsibus, / Infúnde amórem córdibus,
Infirma nóstri córporis / Vírtúte fírmans pérpeti.

5. Hóstem repéllas Ióngius, / Pacémque dónes prótinus:
Ductóre sic te praévio, / Vitémus ómne nóxium.

6. Per te sciámus da Pátrem, / Noscámus atque Fílium,
Téque utriúsque Spíritum / Credámus ómni témpore.

7. Deo Pátri sit glória, / Et Fílio, qui a mórtuis
Surréxit, ac Paráclito, / In saeculórum saécula. Amen.